王家沙 (已結業)

同老公经过此店见唔使等位,所以就入去帮衬,价钱方面属中价,两个人要食得饱嘅话,埋单起码要二佰几,味道整体偏油又偏咸,水准一般,帮衬一次就够了,介绍如下京葱爆羊肉,葱多过羊肉,有少少揾笨,羊膻味唔算浓,质感算嫩,可惜偏咸,配埋薄饼来食,都中和唔到咸度.咖哩鲜肉锅贴,三个形容,咸辣油,有少少苦味,好难食.蟹粉生煎包,包皮煎得又油又韧,馅料得个咸字,食唔出蟹粉嘅鲜味,叫番普通生煎包好过.熏鱼菜饭,熏鱼炸得过火,质感好干好嚡,味道带甜得来偏咸,菜饭用了珍珠米,口感烟烟韧韧,可惜落油太多,好漏.豆沙饼,外皮松化,豆沙馅过甜,如果甜度减番少少会更好.