小豆島日本料理 (已結業)

每次行经彩园广场都会经过呢间日式餐厅，见经常都好多人，今日返工前决定黎试下。下午茶有多款选择，除左日式食品外，亦可以拣三文治及多士，价钱都系四十蚊左右，尚算公道，最后决定食松叶蟹柳蕃茄汤拉面。拉面或乌冬附送加州卷两件，加州卷份量比较细，一啖一旧刚刚好，味道不过不失。拉面随后就上台，一望汤既色水就觉得好唔吸引，先试啖汤，暖的...再食旧蕃茄，冻的...好明显系将新鲜蕃茄切完直接放落碗，煮都无煮过，拉面面质正常，蟹柳我食既时候已经散散地，整体黎讲相当唔掂。呢度价钱虽则亲民，唔知系我拣错食物定普遍系咁，但如无意外应该唔会再黎了。