Ben哥米線

营业中

休息中

自从转左手之后就好少黎食，因为觉得越黎越难食，但琴晚实在太肚饿又想食米线，所以黎左呢到。见个menu宜家有中小辣，就叫左个酸辣中小辣，但最后落到单都系写中辣，但我都几食得辣，所以就算啦无所谓。一上到黎一片血红色，厚厚一层辣油，然后突然闻到一阵辣油味，系个种超市买既cheap辣椒油味，我真系一头黑人问号，我住系美孚咁多年食咁多年都无试过闻到咁既味道。咁我唔信邪试左一啖，我简直以为我味觉出现问题，好似你发烧失去味觉咁，咩味都食唔出，只系得个辣味，我个下差d以为系我问题，但饮一啖柠檬茶又的确有柠檬味wor。d米线既质地反而同以前一样，但个味道真系世界级咁难食，我觉得全香港求其揾一间米线都无咁难食。佢地根本就系煮完个米线倒左半支辣油落去当酸辣米线。大家如果想试，根本唔需要比钱黎食，系屋企自己煮一煮倒辣油都得。