越式越好味 (已結業)

今日星期日中午，经过见到好多人，就入去试吓。见到环境好迫，但见到咁多人，应该会好好味。叫咗一个「招牌越式猪扒饭」$46、一个虾饼煎蛋饭$49、一个虾酱炒通菜$59、香茅鸡翼同埋两个越式冻咖啡。个猪扒饭嚟到，个猪扒细细旧得四够，炸到干争争的，而饭就是一个白饭，没有任何酱汁，连豉油汁都冇，而个虾饼饭亦是一样，个虾饼系4块仔3厘米×2厘米染咗黄色嘅虾饼，入边见到有啲葱，完全冇虾味，干争争。我即刻问店员，个饭系咪完全冇汁？佢话系，我就话：咁样你个饭真系好难食，啲𩠌亦都好干，佢就俾咗一碟美极同埋一碟葱油我地，我哋就只好捞饭食咗少少。而个虾酱炒通菜就好似一个好正常嘅蒜蓉炒通菜，冇虾酱味。到过鸡翼，冇乜特别，系一般唔好食嘅冇腌过嘅鸡翼，算了。而果两杯越式咖啡，饮落唔香、偏苦，望望厨房方向，见到有一盒红黑底的越南牌子即冲咖啡，即是不是蒸漏出来的，难饮！成餐$202，一句讲晒：难食！