海陽。居酒屋

营业中

休息中

好耐未去过一间咁差嘅餐厅！🤬🤬事缘要去K11睇戏，谂住揾间餐厅近近地睇戏前医肚。朋友话想去居酒屋，咁见呢间评价都ok, 咪试试，点知中伏！😖😖叫咗几款寿司、串烧，寿司味道都正常，但个卖相好麻麻，同餐牌啲相简直天渊之别。最差系个师傅好大力「嘭」一声放碟寿司系你面前😡（我坐bar枱），我以为自己去咗大排档！啲串烧喊到亚妈都唔认得😵‍💫，仲要唔热！离晒谱！限时进食90分钟，离座40分钟前已last order。啲嘢咁难食，我又点会再加码😤。埋单3人$1350，咁嘅价钱，咁嘅质素，咁嘅服务，真系揾鬼去！*注：侍应收碟时一嘢将只碟「哼」落我个头度，虽然系唔小心，有讲对唔住，但系喺「高级」餐厅唔应该发生啲咁事。