影片
更多
2017-07-18
4448 浏览
为庆祝暑假嘅来临，今日带两位朋友仔四围食。话说之前喺TATE Dining Room & Bar已经见识过女大厨Vicky Lau啲作品有几咁美轮美奂，佢近排开咗间主打法式蛋糕嘅饼店，每6个月就会换吓环境及蛋糕嘅主题，啱嘅，女人最钟意有惊喜㗎嘛。食完正餐当然要食下午茶，于是拣咗呢间新开嘅蛋糕店同佢哋试吓去到𠮶度，原来就系TATE嘅楼下，开门入去，原来得几张矮凳及一张好细好细嘅台仔，主要做外卖。其实楼上咁多座位，应该开埋俾客人食吖，而家咁样多啲人已经无得坐了，难度真系要企喺度食吗？喺收银处旁边有好多细细件嘅蛋糕放咗喺仿点心笼入面，仲有几款大大个嘅蛋糕，好似山水画咁靓。想落单的话，旁边有几张类似点心纸嘅order form，打开笔盖，竟然系一支毛笔！一件蛋糕$35，任拣8款$250，唔洗觉得叫8件会食唔晒，因为当你睇过佢嘅size之后，就一定食得晒！另外仲有可供4-6人share嘅蛋糕，每个$450、供6-10人share嘅蛋糕每个$750。除咗甜点之外，呢度仲有支装水、cold brew茶及咖啡，及Pink guava mocktail我哋拣咗以下嘅蛋糕，而老实讲，亦都好难每款形容...
去到𠮶度，原来就系TATE嘅楼下，开门入去，原来得几张矮凳及一张好细好细嘅台仔，主要做外卖。其实楼上咁多座位，应该开埋俾客人食吖，而家咁样多啲人已经无得坐了，难度真系要企喺度食吗？
喺收银处旁边有好多细细件嘅蛋糕放咗喺仿点心笼入面，仲有几款大大个嘅蛋糕，好似山水画咁靓。想落单的话，旁边有几张类似点心纸嘅order form，打开笔盖，竟然系一支毛笔！一件蛋糕$35，任拣8款$250，唔洗觉得叫8件会食唔晒，因为当你睇过佢嘅size之后，就一定食得晒！另外仲有可供4-6人share嘅蛋糕，每个$450、供6-10人share嘅蛋糕每个$750。除咗甜点之外，呢度仲有支装水、cold brew茶及咖啡，及Pink guava mocktail
我哋拣咗以下嘅蛋糕，而老实讲，亦都好难每款形容...
Honey：菊花mousse堆砌成好似金字塔咁，唔算甜，不过菊花味唔浓，饼底好脆好味
Green tea Kumquat：呢个好特别，一边系绿茶cream，另一边系柑桔mousse，上层系朱古力片，徘徊在似酸又甜之间
Miso Yuzu：呢个系柚子挞，入面系面豉custard，加上柚子cream，柚子味偏重
Milk Chocolate Red Date：老实说呢个我只系食到朱古力味
Dragon well & Longyan：眼泪形嘅朱古力外壳，入面系龙眼朱古力酱，老实说又系得朱古力味
Iron Buddha Tea：铁观音及白朱古力mousse，茶味唔系特别香浓，又系朱古力味重
$250
262 浏览
0 赞好
0 留言
Iron Buddha Tea
178 浏览
0 赞好
0 留言
Green tea kumquat
136 浏览
0 赞好
0 留言
Milk chocolate red date
108 浏览
0 赞好
0 留言
Miso yuzu
104 浏览
0 赞好
0 留言
Honey
151 浏览
0 赞好
0 留言
Dragon well & Long yan
113 浏览
0 赞好
0 留言
店员拎埋嚟嘅时候，系叫我哋用手食，所以旁边有预备纸巾。但我哋3个人share，佢哋饼店呢度又冇刀，要上返上面餐厅攞先有，感觉上唔系太贴心，但幸好服务一流及非常有礼貌，加返啲分啦。
整体嚟讲，每种都唔算好甜，而且配搭好新颖，理论上应该系非常好味。但可能太细件，如果几个人share，切到手指甲咁细粒，都唔知自己食咗啲乜。感觉上好似样样都系朱古力味最劲，劲到after taste只有朱古力味。试过一次就ok，$35一件实在太细了，一啖食晒完全唔够喉，应该唔会再嚟食了。奉劝想试嘅朋友，一人一件会好啲，share嚟食真系会唔知自己食咗啲乜㗎
张贴
