Yukkuri

营业中

休息中

近年九龙城开左好多咖啡店，呢度暂时系系最新，之前经过系门口窗仔望过入去，好靓，今日决定入去试下。睇过门口餐牌，食饮种类唔多，一入到去已经忘记左系入黎食野，装修得太精致，日式茶道装潢，店主将舖位分为两边，出面放左好多摆设，入面只放左五张枱，环境舒适到形容唔到，店员细心介绍餐牌内食饮品，落完单后忍唔住出返门口位参观，好似去左艺术馆咁，影完相岩岩好返去坐底食野，叫左个面包定食，系酸种面包，个羽衣甘蓝餐包几特别，另外叫左杯季节茶，终于有间叫茶饮既地方唔系用茶包，店员仲细心讲话如果饮完可以再加水。舖头位置虽然系太子道西，但入到去就有种好宁静既感觉，有时间一定会再去。