盛記酒家

营业中

休息中

湾仔群策大厦有好多美食，其中一间好有镬气又好味道嘅酒家就系盛记。同几个朋友敍旧，所以约上去食晚饭。人未齐，先叫啲小食送吓啤酒。嚟碟椒盐豆腐，外脆内软，卤水鹅掌都几入味。食住等，叫咗滑蛋炒虾仁，虾好鲜甜，蛋又炒得好滑。跟住嚟嘅炸白饭鱼同鲜鱿，炸粉唔系好厚，食到入面嘅鲜味。豉油皇鹅肠，啫啫鸡㷛同炒菜都好有水准，价钱又好大众化，所以有好多捧场客。另外，佢哋嘅烧乳猪同烧鹅都好出名，下次可以再试。最后叫碟豉油皇炒面，炒得好干身，咁样就满足哂我嘅食欲喇。