瓏山上海飯店 (裝修中)

粉嶺聯和墟冇正宗嘅上海菜食，偶然經過見到呢間舖頭，由於屋企人好鍾意食鱔糊，就入咗去試吓。晚餐種類都算好多，亦都有套餐，價錢唔算平，不過味道係好嘅😋，來唔來食下冇乜所謂啦。今晚叫咗花雕醉雞半隻，韭黃炒鱔糊，小籠包五隻同埋賽螃蟹。另外仲叫咗兩個菜飯。醉雞好入味，花雕酒味好濃郁，不過個人認為隻雞可以煮得再熟少少🤏。小籠包非常好，皮薄餡靚，而且夾起嘅時候亦都唔會穿，裏面好多汁，推介嘅。賽螃蟹味道都好好，韭黃炒鱔糊味道亦都好好味，咁多餸四個人仲食唔晒要打包添。埋單$580。