好品餐廳 (汝州街)

营业中

休息中

好食，但唔会再帮衬。同朋友叫咗两个饭餐各$55，送汤，朋友加冻饮$3，总价$113，朋友个饭等咗成50分钟都未出，期间问过老板娘，话整紧，点知最后我食完朋友都未有得食，再问老板娘，佢好愕然话吓乜仲未比你咩，佢去厨房问咗一大轮，最后确定漏单，我哋即走，买单比钱𠮶阵佢话搞到咁唔好意思，你朋友杯冻柠茶唔收钱啦，但系个例汤要收钱，我话个汤唔系送嘅咩？佢话因为个饭无出所以汤要收返钱……，最后收$76( 我个饭$55，朋友个汤$18，朋友杯冻饮$3照收，无错，佢玩失忆照收 )，其实佢讲个汤要收$18根本就系想将杯冻柠茶计返正价，玩语言艺术，当人白痴，最黑人憎系讲一套做一套呢头话唔收冻饮钱𠮶头照收扮失忆。