榮式燒雞扒 (舊大街)

营业中

休息中

港岛人对荣式鸡扒相信应该唔会陌生，但作为九龙人，第一次食嘅时候仍然会觉得惊为天人。鸡扒当然系荣式嘅王牌，自己其实好少选择鸡/鸡扒饭，因为只要餐厅稍为失手，鸡肉就会变得干争争，白白浪费咗个主菜。眼见只系普通茶记，当然担心水准，但既然识食同事大力推介，所以都试咗。既然唔放心，就当然拣两个主菜㗎啦，所以拣咗藕饼，因为都比较少喺街食到（当然可能只系因为我大乡里）。结果上菜嘅时候，一见到块鸡扒就知道唔会令人失望，肉质非常之鲜嫩，而且非常juicy，而藕饼亦都爽脆，配合姜葱，整体味道非常有惊喜。影相当日就叫咗跟饭，及后再帮衬嘅时候就尝试过出前一丁，坦白讲以咁普材料计，味道真系算中上，但其实价格亦都比一般茶餐厅高，坐得又唔系好舒服，所以之后都少去咗。而且谂深一层，其实调味都几重手，而且多数都系煎炸食物，要确保自己有足够quota / 运动先至好食。