影片
更多
2022-10-04
984 浏览
一路都好想试下呢间点心见成日都好多人，今日放假就上黎试下， 11点几过黎都等左半个钟。原来可以用 gulu apps 拎飞，咁下次就唔使浪费时间排队。入到黎感觉d 餐具有d 旧，个浅绿色有啲唔讨好。先叫左个香片，无乜茶味，系去到走浸得耐先觉得饮紧香片。呢度其实都有几多特色点心，所以我自己都比较钟意去点心店多个酒楼.✨山楂雪山叉烧包：去饮茶见到有呢味就开心。其实呢个包同山楂都冇乜关系，除咗面头有少少粉红色。不过其实都几好食，叉烧馅够juicy ,外皮微微脆。✨麻雀椰汁糕： 食落几creamy, 椰汁味唔算好重，反而底果层，开头觉得似斑斓味，但食食吓又觉得系蜜瓜精味，影相打卡唔错，不过试咗一次就够。✨龙虾汤小笼包：外皮真系几够薄，而且食落去劲多汁,水准唔错，可惜又系食唔到有龙虾汤既味，当佢系普通小笼包比较适合。✨姬松茸野菌饺： 外皮晶莹通透，食落好Q 弹。 虽然系素饺，但个味道好丰富，唔同嘅蔬菜有唔同嘅口感，呢个我下次都会再encore.✨黑金流沙包：个流心真系好劲， 所以食嘅时候要小心啲，不过个包有少少厚，食一个已经好饱。✨生滚鲍螺片鸡粥： 呢个粥真系好甜，加埋啲葱花好香。佢用既唔系平时
入到黎感觉d 餐具有d 旧，个浅绿色有啲唔讨好。先叫左个香片，无乜茶味，系去到走浸得耐先觉得饮紧香片。
呢度其实都有几多特色点心，所以我自己都比较钟意去点心店多个酒楼.✨山楂雪山叉烧包：去饮茶见到有呢味就开心。其实呢个包同山楂都冇乜关系，除咗面头有少少粉红色。不过其实都几好食，叉烧馅够juicy ,外皮微微脆。
✨麻雀椰汁糕： 食落几creamy, 椰汁味唔算好重，反而底果层，开头觉得似斑斓味，但食食吓又觉得系蜜瓜精味，影相打卡唔错，不过试咗一次就够。
✨龙虾汤小笼包：外皮真系几够薄，而且食落去劲多汁,水准唔错，可惜又系食唔到有龙虾汤既味，当佢系普通小笼包比较适合。
✨姬松茸野菌饺： 外皮晶莹通透，食落好Q 弹。 虽然系素饺，但个味道好丰富，唔同嘅蔬菜有唔同嘅口感，呢个我下次都会再encore.
✨黑金流沙包：个流心真系好劲， 所以食嘅时候要小心啲，不过个包有少少厚，食一个已经好饱。
✨生滚鲍螺片鸡粥： 呢个粥真系好甜，加埋啲葱花好香。佢用既唔系平时既斋鲍鱼，应该都系罐头螺片, 整体几好味。
✨燕窝椰皇炖双皮奶：面头真系好多燕窝？食落几滑好香椰皇水既味，但无乜奶味，感觉似系椰皇炖蛋白多啲.
呢度啲嘢食其实唔差,但系同个名好似唔系好match😂系咪要改改。 不过嘢食系有质素，唔怪得成日都咁多人
张贴
