影片
更多
2022-01-18
183 浏览
今次误打误撞揾到间都ok好食既平价泰式餐厅，除左服务态度同衞生情况，总体而言都值得推介。食异地食外国菜就肯定贵架啦，不过呢间算系咁，价钱公道都大份，所以抵食。不过佢个价钱系唔包装修/衞生/服务态度，燥底嘅朋友就avoidd喇⋯⋯入正题，我哋叫以下嘢食。菠萝炒饭 $54香茅猪扒汤河 $38泰式猪颈肉饭 $60自选半打串烧 $72泰式三色冰 $22泰式珍多冰 $8野饮多数$22（梳打/茶/啡⋯）赞左先。你会见到好多食物都好大份，卖相都好睇，味道都好食。串烧冇得顶，佢烧嘅时候已经落左沙嗲酱，上枱可以再点花生酱（唔知咩名）本身已经好好惹味，然而个酱好食！牛肉好入味，但d筋都少许大旧。鸡同猪都好嫩滑！因为姨姨唔食内脏，所以冇试其他，但试左呢几款，相信其他都一样好味！泰式特饮：好饮！好重椰奶味，我同姨丈都比较喜欢三式冰>珍多冰，因为珍多冰个馅有少少似药水jelly糖入面包住马蹄口味既野。相反三式冰系有大树菠萝同椰子食，yumyum!菠萝炒饭好大碟而且唔孤寒！好多虾、菠萝、肉松，同大大旧鸡肉！仲要系好食，啲饭粒粒分明沾哂黄姜粉，唔会太湿/干。啲虾极嫩滑！不过系有d肠未挑干净。菠萝炒饭好食过猪
食异地食外国菜就肯定贵架啦，不过呢间算系咁，价钱公道都大份，所以抵食。不过佢个价钱系唔包装修/衞生/服务态度，燥底嘅朋友就avoidd喇⋯⋯
入正题，我哋叫以下嘢食。
菠萝炒饭 $54
香茅猪扒汤河 $38
泰式猪颈肉饭 $60
自选半打串烧 $72
泰式三色冰 $22
泰式珍多冰 $8
野饮多数$22（梳打/茶/啡⋯）
赞左先。
你会见到好多食物都好大份，卖相都好睇，味道都好食。串烧冇得顶，佢烧嘅时候已经落左沙嗲酱，上枱可以再点花生酱（唔知咩名）本身已经好好惹味，然而个酱好食！牛肉好入味，但d筋都少许大旧。鸡同猪都好嫩滑！因为姨姨唔食内脏，所以冇试其他，但试左呢几款，相信其他都一样好味！
泰式特饮：好饮！好重椰奶味，我同姨丈都比较喜欢三式冰>珍多冰，因为珍多冰个馅有少少似药水jelly糖入面包住马蹄口味既野。相反三式冰系有大树菠萝同椰子食，yumyum!
菠萝炒饭好大碟而且唔孤寒！好多虾、菠萝、肉松，同大大旧鸡肉！仲要系好食，啲饭粒粒分明沾哂黄姜粉，唔会太湿/干。啲虾极嫩滑！不过系有d肠未挑干净。菠萝炒饭好食过猪颈肉～
再弹下。
我会话，食物水准都叫出色，但部分食物因应厨师心情而影响，一句讲哂，靠运。点解咁讲，因为食左两次，第一次觉得汤河系出色的。第二次，碗猪扒汤河d猪扒柴过豆豉鲮鱼⋯⋯
环境就有待改进了，类似茶记装修，所以清洁/卫生都系咁上下，而且泰菜多汁，湿炒多，容易食到周围都系。地下会有痴笠笠既感觉，而且会有少许食物/垃圾系地同埋唔会抹枱抺得好干净。烧烤炉系舖外，而且对住马路 (多车经过)，所以可能会有尘埃飞落食物到 (对食物卫生洁癖既你 可能就会抗拒) 。虽然枱同枱既间距唔逼，但枱櫈就比较细，櫈既间距又细，变相都几逼。
总结：平价好食泰国菜，只卖食物质素，不卖服务态度+卫生。
张贴
