The Tomato Story (已結業)

悲伤嘅一日，中午坐车时漏咗银包系巴士度，去埋差馆报失已经3点几，谂住去大门点知执左，见到呢间好似几好食就入左去。入到去见到餐牌都感觉几贵，下午茶来讲4x-5x蚊一份，可能我啱啱唔见银包身无分文觉得好贵，但都坐低左就叫左野食。上餐后发现，哗，好细份，食落都真系哗，食两啖就食完。我同男朋友都大食，所以呢个份量真系唔系好得，根本食唔饱。不过其实系下午茶份量，系我自己接受唔到啫。如果同一班女仔朋友嚟食，可能就好适合，因为环境唔差，份量对细食女仔下午茶嚟讲十分足够，又有野饮。同埋味道都真系几好食，但真系唔饱，搞到最后要去食多次其他嘢。