永年士多 (屯門市廣場1期)

营业中

休息中

铺面细，枱面细，仲要有条楼梯。餐厅采用手机落单，自取嘢食，食再自己还嘢。当楼梯系必经之唔路时，噉样行上行落都真系几惊心动魄。多人/ 行动不便/ 有小动物就唔好拣呢度了。四宝面有猪红、猪大肠、猪皮同萝卜。四样𩠌都好入味，萝卜好明显食得出咖喱味添。面底嚟讲偏硬，不过符合我个人口味，大家考虑自己需要。最嬲系冻柠茶。成杯都系冰，$12嚟讲，$10系冰$2系茶，柠檬都要摆冰上面，毫无笃嘅空间。嚟个反论嘅话，好处系够冻。铺面音乐选择多元，40分钟用餐时间听到英文韩文同埋普通话歌，系冇广东歌啫。$72一碗车仔面嚟讲算贵，但饱嘅。