醬缸韓國料理 (已結業)

星期五晚约同事happy Friday，系湾仔酱缸吃晚饭。事先订枱，舖头已经讲到明要齐人先可以入座，过半数都唔得，一定要齐人！再者，用餐时间个半钟，规矩set得咁坚持，想必餐厅一定系好受欢迎。六点半来到，已经有几枱食紧，环境好优雅，实木枱配上柔和的灯光，令人感到很放松。即使你无得坐卡位，但见到啲櫈个样都似系会坐得舒服的，可以唔使担心。店员会先送上典型韩式小菜，包括Kimchi、海带同比较特别嘅冬菇配青椒。Kimchi酸酸地唔系太甜，亦不太辣；海带同冬菇都几新鲜，咸咸地三个小前菜轮住食都几开胃。首先嚟嘅系铁板牛肉饭。啲牛肉甜甜地好好食，配埋啲洋葱送饭，会令你忍唔住一啖食完又一啖。第二道嚟嘅系人参鸡汤。十分足料，有好多鸡肉，但无乜人参味，啲汤好淡好清，啲肉应该无特别腌过，有少少酥味。压轴登场系海鲜芝士炒年糕！一见到个卖相已经好吸引，海鲜方面有青口、鱿鱼、虾，份量唔算多，啲汁辣辣地但又甜甜地，好好食，啲芝士就几多，同埋年糕一齐食好邪恶但又真系好好食。食食下舖头已经愈来愈多人等位，所以店员好准时个半钟就会请你离开，但整体服务都唔错，虽然忙，但都会帮你影相。