Mango Tree Kitchen (形點) (已結業)

OpenRice 睇得多，第一次写食评。唔系好味到震，系嬲到爆….话说母亲节正日，带埋个女去食High Tea庆祝。首先间嘢食物质素唔差，当日tea set $268/ 2位用，连埋加一都系三蚊左右绝对对得上个价钱。可惜食物质素再好，都比个门口Receptionist 破坏晒…当日我1:30已经到餐厅，向门口短发接待员查询今日有冇tea set，接待员话有2:30开始，所以我去行阵商场再番嚟。到2:15再到餐厅，接待员问我几位，我话2位想食tea set。之后接待员再讲tea set系要2:30开始，我问是否一定要2:30才可入座，接待员话系，咁无办法唯有带住个女又四围行再等。当时目测餐厅起码仲有7成座位吉左，门口完全无人排队。到2:25决定再番餐厅，心谂差5分钟唔得就门口企，已经唔想再行。点知去到餐厅，竟然全场坐满仲要等飞。当时我已经嬲嬲地，根本唔洗2:30才入座点解个receptionist死都唔比我入去座。咁我再问职员有冇4人枱，因为小朋友4岁多想坐隔离方便照顾。个receptionist 就话啦： 你想坐4人枱就应该拎4位啦！我回覆咁点解头先行左2转都唔比我入？搞到依家无晒位。