鳥語 (已結業)

睇相食饭卖相好靓加上黄店决定去帮衬，系门口侍应话冇位，系门口等左阵有人走见到入面都张枱吉左，但侍应都冇叫我地入去，系门口等极侍应行过一个眼都冇望过我地，唯有自己入去主动问先埋座。叫完野食都好快送黎，4个人嗌左三个意粉，一个饭。卖相同啲相一样不错，个富士山饭啲咖哩汁好稀，好快比啲饭吸哂，食到后面好似糊仔。另外三个意粉情况都一样， 可能有个雪糕球系到融左之后，个忌廉汁稀到好似汤都咁🥴味道一般，朋友粉红色果碟食到一半都唔食了。野饮系食到一半送到，真系最失望。嗌左两杯mocha,一杯热榛子朱古力加棉花糖，一杯士多啤梨奶昔都系分开时间上，其中mocha一杯系少冰，男店员直接摆低就离开，令人感觉好差正常餐饮服务都冇。除左杯士多啤梨沙冰正正常常，其他三杯都极之难饮，mocha好似饮紧奶沟水咁，确实难以想像一间Cafe嘅咖啡有如此水准🤯🤯🤯🤯🤯总括嚟讲成间Cafe食物质素嘢饮质素都对唔住佢既收费，偏贵嘅收费九流既服务，如果为咗一张呃like相而去帮衬一啲都唔值得。