日本野 (已結業)

由西贡果边出去旺角又冇book到位，旺角嘅餐厅全部都好多人排晒队，终于都系去返朋友食开嘅一间日式料理餐厅 — 日本野，质素有保证！豚肉大阪烧 $98同朋友一样都好钟意食大阪烧，有好多好多嘅木鱼丝，系大阪烧上面飞下飞下好动感，豚肉一大片中间仲有好多椰菜，配上日式沙律酱、酱烧汁，完全系好食到停唔到口呀！🤤稻庭冷鸟冬 $78跟住就叫左个清淡少少嘅☺️，个冷稻庭酱汁有少少昆布嘅鲜味，再加上一只生鹌鹑蛋，将其融入酱汁之中，让酱汁挂上乌冬上，令乌冬入口顺滑而同时充满蛋黄香，好出色嘅配搭！寿司 (每两件)：帆立贝 $48、油甘鱼 $48、北寄贝 $24、火炙芝士三文鱼 $38、醋鲭鱼 $18，全部都好新鲜，鱼生唔算厚切，最欣赏系帆立贝，鲜甜而爽口👍🏻 另外香港而家少左地方有醋鲭鱼食，仲质素唔错，醋渍之后嘅鲭鱼肉质仍然鲜嫩。