華燕美食

营业中

休息中

同阿仔出旺角行街，巧遇朋友系到食油渣面，大赞好食。真心好耐冇食呢啲街头小食，即刻食指大动。原来呢间「华燕美食」系由阿华同阿燕主理，大部分都系即叫即做。小食店除咗有油渣面，仲有好多香港怀旧地道街头美食，例如煎酿三宝、鱼肉翅、烧卖鱼蛋等等。另外亦有一些重𪊴风味之麻辣小食。选择困难症嘅我，一于乜都要试试。《驰名猪油渣面》（$30），面质烟靱，配有冬菇，仲有超多油渣，油渣炸至金黄，入口酥脆，最正配埋个奶白汤底，香浓美味。加埋菜甫就更完美了。《韮菜萝卜大肠猪红》（$30），韮菜、萝卜冇渣吾会老，猪红嫩滑、猪大肠甘香，阿仔又系连汤都饮埋。《净鱼滑肉》（$25），阿燕诚意推介，自家手打鱼滑，果然特别弹牙有鱼味，同平时食开𠮶啲完全吾同，真系好好味。《招牌碗仔翅》（$18），有肉丝、粉丝、木耳丝和冬菇，十分足料，尤其冬菇好有菇味鲜，加埋蔴油胡椒粉，食过一定会返寻味。《串炸鱿鱼须》，鱿鱼须超大条，即叫即做，依家有快闪价$18/串。仲有经典《鱼蛋烧卖》双并$20。