樺得園 (已結業)

今日专登嚟W Burger，坐咗喺门口位，冷气风好大，有啲唔舒服，但职员话唔可以关细，又唔可以换枱。咁远嚟到，唯有照坐。我哋叫咗个飞驒牛汉堡($88) ，同金文拔芝士牛肉汉堡($128)。见梅酒Soda($38)优惠买一送一，同朋友share。两种汉堡都系第一次食，两个都有惊喜。飞驒牛肉汁充足，而且肉质嫩滑，每啖都充满着牛肉嘅香甜。我哋睇餐牌时冇留心，原来金文拔芝士汉堡系用芝士代替面包夹住牛肉汉堡，虽然芝士味比较淡，但咁厚咁大啖嘅嘅芝士，系第一次咁食，几有新意；试过后，还是喜欢传统面包皮多啲。好在梅酒梳打酸酸甜甜，帮手消滞。呢餐坐得唔舒服，但食得几满足。