錦麗 (又一城)

营业中

休息中

今日去开九龙塘行街，咁呢中午要去揾嘢食 见到以前麦当劳喺food court𠮶个位置转左三间舖头，最多人排嘅就系锦丽，我地就去排队啦。等左一阵就安排咗我哋坐低喺个卡位，睇个Menu主要就食汤粉，小食同埋有啲特色饮品。我哋就拣咗两碗，一碗系胡志朋综合金边粉，一碗系鱼饼扎肉香浓鸡汤金边粉，另外加多咗个新出嘅火炙香茅猪颈肉，同埋两杯饮品分别系椰青同埋三色冰。好快两杯嘢饮就上枱，个椰青呢佢写明系泰国出品，饮落都好冻同埋好新鲜，啲肉起出嚟都好鲜甜。另外𠮶个三色冰呢都好足料，尤其系红豆真系好甜，椰汁都好开胃。之后综合金边粉就上枱啦，个综合就有齐生牛肉，熟牛肉同牛丸。我特别推介牛丸，佢入边唔系净系死实实咁，入边有真系feel到真系手打嘅。另外个鸡汤金边粉都好食，个鱼饼会有小小辣，札肉就好厚身，个汤都好清甜，好好饮。虽然睇落唔系好大碗，但食完都好饱。最后仲有个猪颈肉，啲肉切到好厚身，烧得好脆好香口，配埋甜酸酱点好快就俾我哋食晒。因为餐厅都比较多人，等食物同等侍应都要俾啲耐性，不过都啲野都好好食！