MOMOJEIN Korean Restaurant (已結業)

好耐冇写食评，因为哩间韩式餐厅太好食，环境又好又型，又唔洗排队，即日订位都冇问题，忍唔住再次执“笔”。先食个signature dish "kalbi hotteok",其实系一个牛肉包，包皮外脆内软，内里包著一层薄薄嘅年糕，牛肉超多汁，好有弹性和咬感！我未食过咁好食嘅包！食完想再食！点埋个酱真系无得弹！个酱都系超好食！之后主菜要咗个烧牛肉，厨师烧完再比客人，牛肉下面系好热嘅石，以保持温度。不过都唔系好保温，但系都一样咁好食，多汁之余又唔“un”，送饭一流。之后再食个辣辣地嘅猪肉面，面好弹牙，不过都系牛肉包同烧牛肉较出色。最后点个sweet potato甜品，卖相好靓，味道很好，色彩和食物都好丰富，blueberry and raspberry又好甜！连只酱都系紫薯制造！食材多到讲之不尽。