影片
更多
2020-02-06
98 浏览
成日喺黄埔红磡呢头附近嘅我，听红磡鸡蛋仔就听得多，但食就真系第一次食🤦🏻♀️好后悔点解我唔早啲发现呢个地方，呢度无论系鸡蛋仔格仔饼定系班戟都非常高质，而且价钱非常亲民！我钟意呢度嘅程度系，我一个礼拜之内食咗四次！！我自己个人就比较钟意食啲cakey啲嘅鸡蛋仔，所以可以大胆讲句，系我觉得系香港我食过口感最满意最好嘅鸡蛋仔！！其实除咗钟意食佢嘅小食之外，都好钟意好亲切嘅老板，我每一次去企系侧边食嘅时候佢都会主动问我好唔好食！叫我下次去试吓唔同嘅嘢～系小店先会有嘅人情味🥺虽然我四次去嘅时间都唔同，但系人流都一样咁多，大家要预少少时间排队同等呀～.《三色鸡蛋仔》$20 😋😋嚟咗几次观察到呢度嘅鸡蛋仔除咗原味之外，其他味道都系即叫即整嘅。唔知系咪因为太多人嘅关系，觉得我食三色鸡蛋仔𠮶嘅呢一次摊冻得唔够耐，拎上手嘅时候都仲系好热。同埋感觉上有少少窿咗嘅感觉，影出嚟唔系好睇得好三种颜色咁，特别系抹茶𠮶一边。个人觉得三只味最好食系朱古力！！而原味都好香蛋味，系唔错嘅。抹茶味都唔差，几浓，但浓得来又唔会话好假𠮶种化学抹茶味🤣长气都要讲多一次，呢度嘅鸡蛋仔口感真系好正！！.《朱古力鸡蛋仔》$19 😋😋😋虽
.
《三色鸡蛋仔》$20 😋😋
嚟咗几次观察到呢度嘅鸡蛋仔除咗原味之外，其他味道都系即叫即整嘅。唔知系咪因为太多人嘅关系，觉得我食三色鸡蛋仔𠮶嘅呢一次摊冻得唔够耐，拎上手嘅时候都仲系好热。同埋感觉上有少少窿咗嘅感觉，影出嚟唔系好睇得好三种颜色咁，特别系抹茶𠮶一边。个人觉得三只味最好食系朱古力！！而原味都好香蛋味，系唔错嘅。抹茶味都唔差，几浓，但浓得来又唔会话好假𠮶种化学抹茶味🤣长气都要讲多一次，呢度嘅鸡蛋仔口感真系好正！！
.
《朱古力鸡蛋仔》$19 😋😋😋
虽然呢度嘅朱古力鸡蛋仔嘅蛋浆都系有朱古力味，但食落口朱古力味唔会话太过浓。即叫即整，食落口好香口，而里便系比较实心，有少少食紧蛋糕仔嘅感觉，外脆内软！而𥚃便都有啲朱古力碎，非常足料，可以话系我食过最抵食嘅鸡蛋仔！
张贴
