影片
更多
2018-06-14
756 浏览
日日返工咁鬼攰，到左Friday又想Happy下，唔理佢落唔落雨啦，木嘴就难得主动召唤同事一行四人去尖沙咀食野+饮野。返工都对左成日，放工仲约埋一齐去食饭饮野，人生有好同事确系难得架。不嬲都就得人既木嘴被迫要做话事人拣食边间，就拣左依间入去诺士佛台第一间见到既The Salted Pig。间野叫得The Salted Pig，周围紧系用猪做Deco啦，连D碟上面都印埋猪系度，仲揾只叉叉住，见到第一下觉得「好得意呀！」，第二下就谂起千寻喊住同佢爸爸妈妈讲：「唔好食咁肥呀！唔系会俾人食架！」木嘴吞一吞口水…….就即刻指住Menu话叫返个沙律先，见到佢有个招牌沙律叫Skinny Pig Salad，讲得Skinny Pig，咁应该又健康d又有Pig啦，但上到黎又唔多觉得只Skinny Pig系边，可能系指食完既木嘴都未定…..不过个沙律系好食既，够清新，有少少甜味，唔会食到口淡淡，如果食完佢变Skinny Pig木嘴又唔介意既～食西餐唔食薯条点叫食过西餐？依个薯条就劲新鲜，完全Feel到佢即叫即炸果种使命必达既感觉，仲要系粗薯条，上面有少少辣粉咁，木嘴感动到用最短既时间解决左佢。另外都叫左个
间野叫得The Salted Pig，周围紧系用猪做Deco啦，连D碟上面都印埋猪系度，仲揾只叉叉住，见到第一下觉得「好得意呀！」，第二下就谂起千寻喊住同佢爸爸妈妈讲：「唔好食咁肥呀！唔系会俾人食架！」木嘴吞一吞口水…….
就即刻指住Menu话叫返个沙律先，见到佢有个招牌沙律叫Skinny Pig Salad，讲得Skinny Pig，咁应该又健康d又有Pig啦，但上到黎又唔多觉得只Skinny Pig系边，可能系指食完既木嘴都未定…..不过个沙律系好食既，够清新，有少少甜味，唔会食到口淡淡，如果食完佢变Skinny Pig木嘴又唔介意既～
26 浏览
0 赞好
0 留言
食西餐唔食薯条点叫食过西餐？依个薯条就劲新鲜，完全Feel到佢即叫即炸果种使命必达既感觉，仲要系粗薯条，上面有少少辣粉咁，木嘴感动到用最短既时间解决左佢。
28 浏览
0 赞好
0 留言
另外都叫左个肉丸意粉，虽然望落只有三粒肉丸，但佢粒肉丸大大粒，仲唔差，个意粉都煮得岩岩好，唔会太软太硬。
16 浏览
0 赞好
0 留言
不过佢每一碟既份量唔算太多，食到依度个肚都仲觉得有点空虚，出面落紧雨，正想唱返句我空虚、寂寞又冻之际，就见到隔几台上左碟Nachos，都唔执输叫左个Pulled Pork Nachos，又唔错㖞！酱又几多芝士又足够，有几粒青色既辣椒系度食落令人冇咁Dry。都值得一推！
28 浏览
0 赞好
0 留言
食完野，吹左两句水又口痕想食下甜品，再睇睇个Menu啦，第一下见到个Go Banana! Sundae 就觉得个名好吸引，充满活力仲唔系最岩Friday Night嗌？但发现佢中文译名个感叹号都唔系放系香蕉后面，而系放系疯狂后面，思考紧应该用个咩语气去叫依道甜品既时候，木嘴已经因为店员炽热既眼光而太紧张，求其叫左个甜品拼盘算，唔驶烦呀嘛！仲顺手叫左几杯Cocktail送下甜品，不过Cocktail唔记得影，原谅木嘴吧。
35 浏览
0 赞好
0 留言
虽然个甜品系求其叫，但佢一D都唔求其，比木嘴想像既更大份！入面有芝士蛋糕、软心朱古力曲奇伴云呢拿雪糕、心太软，同一件疑似系苹果批既….批。木嘴今次真系要大赞自己既机智叫左个拼盘，中间个软心朱古力曲奇伴云呢拿雪糕好好食，佢应该系一整完即刻连Pan上，所以仲好热辣辣，店员上菜果阵仲好贴心提醒我地唔好辣亲。佢个底硬硬地但上面又系适中既软，因为好热，加埋雪糕果种冷热交融既矛盾感冲击味蕾，好食呀！
木嘴本身就钟意食心太软既，佢个心太软同芝士蛋糕都不过不失～系个疑似苹果批有少少失望，上面既苹果有点儿酸过头，又或者系木嘴既味蕾太脆弱啦，都系小心呵护好D！
最后木嘴发现自己食到好饱呀，食完哂D野只碟上面本身俾野食遮住既猪又出返黎，木嘴长叹一口气，决定埋单走人算。
张贴
