影片
更多
2018-09-23
121 浏览
喺星期二又同一班好知心嘅好朋友相约又喺元朗试一试我最喜欢同我挚爱嘅海鲜私房蒸气石锅, 之前已经book定位一行六人就试咗个闻名不如见面嘅店铺"蟹仙海鲜私房蒸气石锅"虽然店铺细细都容纳到十张八张2-6人长枱, 二至四人枱设置一个蒸汽炉, 而二至六人枱就有两个蒸汽炉, 地方骨子之余仲有好多好新鲜嘅海鲜食物真系妙绝👍。我哋六个人嗌咗六个价值$298海鲜套餐, 首先店员安排我哋座位, 之后帮我哋叫咗个南瓜排骨粥底放喺炉底系底部, 炉面就装咗个盛器之后就铺上海鲜进行烹调。因为晚饭时间个个都等住医饱个肚, 所以我都今晚留定个肚食啲好嘢, 除咗有美味嘅海鲜之外仲有啲特饮可以一瓶瓶叫, 我哋叫咗三瓶特饮, 两瓶系水蜜桃另一瓶系柚子蜜。原来第一个𩠌就已经系我最钟意食嘅海上鲜龙虾啦！😍😍 两人一只我哋总共有三只"澳洲青年龙虾"其实系每种海鲜都有特定嘅烹调时间同埋火力, d澳洲龙虾真系鲜味甜美同弹牙爽口, 只可以用两个字形容"超正", 而第二度嘅海鲜就系嚟至菲律宾深海嘅"大青蟹", 每只起码两斤重, 店经理仲话每只价值$450蚊, 啲蟹膏同厚厚嘅实肉超好口感真系零舍不同Perfect😋第三道海鲜就系"越南贵
虽然店铺细细都容纳到十张八张2-6人长枱, 二至四人枱设置一个蒸汽炉, 而二至六人枱就有两个蒸汽炉, 地方骨子之余仲有好多好新鲜嘅海鲜食物真系妙绝👍。
我哋六个人嗌咗六个价值$298海鲜套餐, 首先店员安排我哋座位, 之后帮我哋叫咗个南瓜排骨粥底放喺炉底系底部, 炉面就装咗个盛器之后就铺上海鲜进行烹调。
因为晚饭时间个个都等住医饱个肚, 所以我都今晚留定个肚食啲好嘢, 除咗有美味嘅海鲜之外仲有啲特饮可以一瓶瓶叫, 我哋叫咗三瓶特饮, 两瓶系水蜜桃另一瓶系柚子蜜。
原来第一个𩠌就已经系我最钟意食嘅海上鲜龙虾啦！😍😍 两人一只我哋总共有三只"澳洲青年龙虾"其实系每种海鲜都有特定嘅烹调时间同埋火力, d澳洲龙虾真系鲜味甜美同弹牙爽口, 只可以用两个字形容"超正", 而第二度嘅海鲜就系嚟至菲律宾深海嘅"大青蟹", 每只起码两斤重, 店经理仲话每只价值$450蚊, 啲蟹膏同厚厚嘅实肉超好口感真系零舍不同Perfect😋
第三道海鲜就系"越南贵妃蚌"啲蚌只只都好大只好鲜甜, 而第四度海鲜就系""纽西兰大圣子加日本大元贝"点解今晚全部都系我挚爱嘅海鲜呢？我觉得e餐海鲜餐好似为我而设, 真系讲不出咁开心！
好嘅嘢真系一浪接一浪第五同第六度海鲜都随即嚟埋"翡翠九孔鲍鱼+蔬菜篮以及纽西兰青口"啲蔬菜好鲜甜同个鲍鱼入口好甜美好友有鲜肉嘅质感, 虽然青口我都少食, 但系见到咁靓同新鲜真系忍唔住口！一口就食咗喇... 最后一个海鲜就系"深海龙趸片"鱼肉好有鱼味。老板真系识做生意食完海鲜仲有一个甜品椰汁西米炖官燕招呼我哋！
张贴
