影片
更多
2011-07-31
13 浏览
第一次黎＂利小馆＂，估唔到咁好食！ 由于book左位，所以唔驶等，虽然规定左食嘅时间只有75分钟，不过佢上菜速度都算快，所以用膳时间都叫做足够！另一样估唔到嘅系，呢度茶介每位只系收$3，又真系好抵㖞！我地一行6个人，总共叫左11样野食，当中有小食有小菜有饭有面又有甜品，初头都惊住佢会细细碟、唔够饱，但原来份量都十足，而且又够足料，味道仲几好味添！ 金蒜拍青瓜：估唔到咁大碟，而且味道比传统上海菜馆还要好，Ｄ蒜蓉同酱汁同青瓜好夹好入味！一句讲晒：＂好得！＂佢仲加左元茜，真系好香口，令人食到停唔到口！ 木鱼烧茄子：又系大大碟，木鱼同茄子都咁多，份量十足！煎香的茄子好香口，唔驶点汁都好好食！ 萝卜丝酥饼：一碟三件，外面Ｄ酥皮一层一层的，好香好松化！馅料只见珍珠白色一pat，食唔出萝卜味！ 冰烧三层肉：一碟九件！层皮极脆！！！多肉少肥，一口一旧！正！ 赛磅蟹：白滑有味，用黎送饭一流！个人认为，如果加埋鸡蛋捞匀就仲好！ 荷叶饭：好入味，但欠缺荷叶香，同埋Ｄ配料太少！ 油盐海中虾煎面：面脆而冇油，感觉唔肥腻！Ｄ虾大大只，啖啖肉，炸到卜卜脆，由头到尾都可以食晒落肚！ 嫩鸡煨面：有滑滑唔黐牙嘅鸡丝，弹
第一次黎＂利小馆＂，估唔到咁好食！ 由于book左位，所以唔驶等，虽然规定左食嘅时间只有75分钟，不过佢上菜速度都算快，所以用膳时间都叫做足够！另一样估唔到嘅系，呢度茶介每位只系收$3，又真系好抵㖞！
我地一行6个人，总共叫左11样野食，当中有小食有小菜有饭有面又有甜品，初头都惊住佢会细细碟、唔够饱，但原来份量都十足，而且又够足料，味道仲几好味添！
金蒜拍青瓜：估唔到咁大碟，而且味道比传统上海菜馆还要好，Ｄ蒜蓉同酱汁同青瓜好夹好入味！一句讲晒：＂好得！＂佢仲加左元茜，真系好香口，令人食到停唔到口！
木鱼烧茄子：又系大大碟，木鱼同茄子都咁多，份量十足！煎香的茄子好香口，唔驶点汁都好好食！
萝卜丝酥饼：一碟三件，外面Ｄ酥皮一层一层的，好香好松化！馅料只见珍珠白色一pat，食唔出萝卜味！
冰烧三层肉：一碟九件！层皮极脆！！！多肉少肥，一口一旧！正！
赛磅蟹：白滑有味，用黎送饭一流！个人认为，如果加埋鸡蛋捞匀就仲好！
荷叶饭：好入味，但欠缺荷叶香，同埋Ｄ配料太少！
油盐海中虾煎面：面脆而冇油，感觉唔肥腻！Ｄ虾大大只，啖啖肉，炸到卜卜脆，由头到尾都可以食晒落肚！
嫩鸡煨面：有滑滑唔黐牙嘅鸡丝，弹牙靓面，同埋白菜仔！总括黎讲清怡得黎个汤底仲系白色架，简单的一碗面但一丝不苟，可见师傅落足功夫泡制！
炸银丝卷：不过不失，仲有炼奶俾你点黎食！
小笼包：一笼四只，虽然未有入口即爆汤情况出现，味道都算ＯＫ啦！
高力豆沙：一碟三粒，每粒暖暖轻软！略嫌Ｄ豆沙馅太少，而且得三只唔太够喉！
张贴
