鳴虎

营业中

休息中

最近新都城不断有新舖开张，特别系三期，呢两年有几间新店。当中有一间地点唔太显眼既拉面店吸引左我去试。圣诞节过左两个月，都仲见到门面有个好可爱既雪人仔，应该系太可爱店长唔舍得拆？当晚都有唔少客人，店员好热情介绍餐厅推介食物，有个$128拉面餐睇落好抵食，包一个拉面+小食+饮品。最特别系可以免费加一个面底。最初以为小食只有一两件，点知有全份，合共五件，饺子脆卜卜，好食。主角拉面黎啦，虾咪噌汤有浓浓既虾味，汤不会太咸，最重要系一点也不油腻，食完成碗都不觉腻。面底大大个，系直身幼拉面。有两片叉烧、一只溏心蛋、一片紫菜同好多木耳。平时拉面会有笋，但呢间无，正合我心意，因我䑁得日本笋味道怪怪的。另一个系黑鸣虎，有好浓既黑蒜味，跟$128餐可免费加一次面底，初时以为加得半个，点知有成个面，食到我朋友好饱。餐饮点了茉莉花茶，好多茉莉花呀，味道甜甜地，唔错。整体来说呢间系一间很不错的拉面店，会再黎食。