Al Dente

营业中

休息中

今晚呢就嚟到呢一间餐厅叫Al Dente。呢间铺头就唔系好大，但系气氛唔错嘅。佢哋嘅pasta啦，Pizza啦，意大利野食同前菜都可以。以前已经好多朋友叫我试呢间餐厅，因为我以前喺湾仔返工。话呢度啲嘢食又抵食，又好味。佢哋嘅炸芝士条𠮶啲都OK。沙律都系新鲜嘅。今日我试咗佢嘅一个海鲜意大利饭晚饭套餐同埋主菜香煎三文鱼带子。其实如果唔大食，两个人叫一个set dinner,同一份main course都可以够饱。真系好抵食。个海鲜意大利饭都做得唔错，虾肉都爽爽地，有少少菜同埋啲芝士系面。个饭都煮得几香口。我觉得呢三文鱼煮得好食啲。个三文鱼出面煎得几香，而里面又唔会太熟。个薯蓉都几好味。之后甜品都有个Tiramisu加个雪糕。整体来讲都系一个几好嘅晚饭。