반찬앤쿡 Banchan and Cook (太古城中心)

营业中

休息中

好友刚刚搬咗去太古城，又好耐冇见契仔啦，相约一齐去太古城食饭见面。 朋友话商场有间韩式新派Cafe 环境唔错，又可以坐得耐少少， 畀我哋慢慢倾慢慢讲。 入到餐厅里面，感觉好舒服好开扬， 开放式 玻璃天花屋顶， 又有五彩颜色花花做布置装饰， 令人开心。我哋点咗几样嘢 ，大家一齐开心share炖牛肋骨蛋包饭炖牛肋骨配饭牛肋骨份量都好多好大嚿，炆得好松软好淋， 最钟意韩国酱汁甜甜地， 好好味 ， 要嚟捞饭食最正。无骨炸鸡半份鸡肉外脆内嫩，唔会太干身， 味道又唔会太咸， 细细嚿容易食。烧酱油黑毛猪白切肉配大酱生菜一向都唔太钟意食猪肉，觉得一阵猪味， 不过呢个黑毛猪切到好薄片又唔会太劲猪肉骚味， 将生菜包住黑毛猪肉片，涂上烧酱嚟食，唔会太腻。芝士泡菜紫菜包饭呢个好好食呀，劲多芝士铺满落啲包饭度，钟意食芝士嘅人一定钟意， 又有泡菜少少辣味， 更加惹味。 呢餐大家倾得好爽，相约下次再嚟食。