影片
更多
2016-01-14
1423 浏览
铜锣湾L.Square成为左我呢期最爱嘅觅食之选，开左好多新餐厅，离地铁站只系几分钟路程，好方便！今日同朋友试呢间日式串烧放题，贪佢可以自己烧俾自己食，新奇又有趣😬 。呢度非繁忙时间都好旺场，我地一早book左位所以唔使等位，大家记得book定位啦。一坐低就俾个炉吸引住！炉上放上岩烧石，加热可达300度以上，保温度高，唔会好似韩烧/铁板/bbq咁易将食材烧焦，亦易于锁住食材水份。串烧种类颇多，每种猪牛羊鸡至海鲜、蔬菜、菇类都有不同选择，贪心嘅我地每样都order少少试试！烧之前店员好细心咁解释个炉、烧嘅方法、次序等，烧嘅时间要留意返每件食材嘅易熟程度、厚度等，烧个时落左粉状调味料，烧一烧再落酱汁。调味粉有海盐、黑楜椒同七味粉，而酱汁有玫瑰蜜糖、烧汁同辣汁。我最爱玫瑰蜜糖，好似bbq咁加啲甜更惹味😋。我地两个都系无海鲜不欢的，所以每人加$88要左个和牛海鲜盛。拼盘上枱个阵我地真系心心眼，有鲍鱼、大虾、海螺、和牛⋯⋯由日本、加拿大等各地直送，保证新鲜！因为海鲜我地真系唔识handle, 店员主动问我地需唔需要代烧，服务贴心！和牛烧到约七成熟，外皮香脆，入面仲好多肉汁，脂肪够多，正！两只大虾
今日同朋友试呢间日式串烧放题，贪佢可以自己烧俾自己食，新奇又有趣😬 。
呢度非繁忙时间都好旺场，我地一早book左位所以唔使等位，大家记得book定位啦。
一坐低就俾个炉吸引住！炉上放上岩烧石，加热可达300度以上，保温度高，唔会好似韩烧/铁板/bbq咁易将食材烧焦，亦易于锁住食材水份。
串烧种类颇多，每种猪牛羊鸡至海鲜、蔬菜、菇类都有不同选择，贪心嘅我地每样都order少少试试！
烧之前店员好细心咁解释个炉、烧嘅方法、次序等，烧嘅时间要留意返每件食材嘅易熟程度、厚度等，烧个时落左粉状调味料，烧一烧再落酱汁。调味粉有海盐、黑楜椒同七味粉，而酱汁有玫瑰蜜糖、烧汁同辣汁。我最爱玫瑰蜜糖，好似bbq咁加啲甜更惹味😋。
我地两个都系无海鲜不欢的，所以每人加$88要左个和牛海鲜盛。拼盘上枱个阵我地真系心心眼，有鲍鱼、大虾、海螺、和牛⋯⋯由日本、加拿大等各地直送，保证新鲜！因为海鲜我地真系唔识handle, 店员主动问我地需唔需要代烧，服务贴心！和牛烧到约七成熟，外皮香脆，入面仲好多肉汁，脂肪够多，正！两只大虾好巨型，弹牙兼啖啖肉，肉质鲜甜，爽！加$88真系好抵！
玩加食到饱饱又满足，买单每人$3百几，咁嘅质素份量绝对抵食。
再值得一赞嘅系佢嘅抽烟系统唔错，唔会好大油烟同烧烤味。张贴
