燒蝦蝦 (興泰大廈) (已結業)

呢度系新鲜生猛嘅虾俾你即捉即烧，觉得好得意，一直都想试。原来最兴奋的不是我，是婷婷。佢话全程都要由佢负责捉和负责烧咁话，教埋佢点睇啲虾熟定唔熟，结果我一只虾都冇捉过冇烧过🤣，只系负责食。睇见佢捉虾果个开心，满足样兴奋嘅样，我都觉等值回票价，都系俾小朋友有个新启发，新尝试嘅机会。任食海鲜2.5小时真系好抵食，海鲜中除左虾，还有鲍鱼，青口，扇贝，蚝，蚬，贵妃蚌，大眼鸡，仓鱼，多春鱼等，而且仲十分新鲜，烧出来，十分鲜甜美味，我就中意烧鱼咩都唔落，鲜味十足，中意食海鲜嘅朋友就真系岩晒黎呢度，一定能令你满足。除左海鲜，也有蔬菜，肉类，串烧，熟食，凉拌，甜品，雪糕。肉类有五花腩，牛，羊架等，鸡串，鸡软骨，鸡肾，鸡翅，肠仔，丸类等，熟食也有包类，烧卖，茶叶蛋，等等。凉拌有八爪鱼螺肉海藻，泰式凤爪等饮品方面就有清酒，生啤，啤酒，各类汽水饮品，仲有花茶添。食完当然要叹翻甜品雪糕啦，呢度有好多款选择。今次真系食得饱又玩得开心。