影片
更多
2017-07-04
2046 浏览
第一次食𠮶阵，打电话黎book枱听电话𠮶个姨姨超有礼貌，把声又温柔，已经对间铺有好好既印象去到原本坐紧张细既枱，但见有人系大枱到埋单就问可唔可以转过去。虽然间铺好多人，但啲侍应都好有效率咁帮我地转过去。嘢食又多选择，所以食完之后已经盘算好要再黎食事隔一个月，再次黎食上次食左麻辣锅同咸菜猪肚，今次就试左沙爹(麻辣系黎依到必食的)纸上既系肉同海鲜，海鲜就系几多个人比几多份量你。今次三个人，所以虾啊脆肉鲩一份既数量都系3。我地就少少地一份一份嗌，惊食唔晒，大食既当然可以一次嗌多啲，甚少漏单既情况，写几多真系比足几多系劣质任食边炉横行其道之下，唔漏单已经好感恩啦~酱料饮品同其他配料都要出去拎，可以话系任君选择应有尽有。大路既丸啊饺啊肠仔午餐肉生根响铃之外，连鸡子骨髓同好多认唔出系咩既内藏都有齐。恕我唔系好食依啲内藏既情况下，我真系唔识分。但我见朋友食到津津有味，大赞好食。系依个价钱既任食边炉又真系好少有咁多选择既内藏既，所以朋友已经marked实左依家餐厅为定期要食既饭店甜品仲有dreyer's既雪糕，雪条、雪米糍基本都齐既。仲有佢地自家制既甜品，睇落有十几款，但我同朋友加埋试左10款左右，个
第一次食𠮶阵，打电话黎book枱听电话𠮶个姨姨超有礼貌，把声又温柔，已经对间铺有好好既印象去到原本坐紧张细既枱，但见有人系大枱到埋单就问可唔可以转过去。虽然间铺好多人，但啲侍应都好有效率咁帮我地转过去。
嘢食又多选择，所以食完之后已经盘算好要再黎食
事隔一个月，再次黎食
上次食左麻辣锅同咸菜猪肚，今次就试左沙爹(麻辣系黎依到必食的)
纸上既系肉同海鲜，海鲜就系几多个人比几多份量你。今次三个人，所以虾啊脆肉鲩一份既数量都系3。我地就少少地一份一份嗌，惊食唔晒，大食既当然可以一次嗌多啲，甚少漏单既情况，写几多真系比足几多系劣质任食边炉横行其道之下，唔漏单已经好感恩啦~
酱料饮品同其他配料都要出去拎，可以话系任君选择应有尽有。大路既丸啊饺啊肠仔午餐肉生根响铃之外，连鸡子骨髓同好多认唔出系咩既内藏都有齐。恕我唔系好食依啲内藏既情况下，我真系唔识分。但我见朋友食到津津有味，大赞好食。系依个价钱既任食边炉又真系好少有咁多选择既内藏既，所以朋友已经marked实左依家餐厅为定期要食既饭店
甜品仲有dreyer's既雪糕，雪条、雪米糍基本都齐既。仲有佢地自家制既甜品，睇落有十几款，但我同朋友加埋试左10款左右，个味道都几唔好下，所以都系食番有保证既雪糕雪条好了。
今次11点黎，真系好准时1点就叫我地走，但上次9点黎都系坐到1点先叫我地走(但间铺系收3点，可能1点之后有一边会收呱)。中间系嘢食同饮品，分开两边。同埋虽然走既时候已经一点，但见铺头另一边差唔多坐满咁济，就知真系好食
唔使加一，930之后$138，1100之后就$128，真系抵到烂，仲要高质值得一食再食
张贴
