素食新一代 (已結業)

与家人在附近打保龄球，开手机Openrice apps查看附近有乜好食?结果见到呢间素食新一代，食评也唔错，便行过嚟开餐。因此乃商场内的小店，座位不多，等了10分钟左右，我们才有位。叫了酸斋，好大件，好好味。上海云吞，食材及味道都唔错，唯煮得太久，用筷子夹一夹，个云吞皮已烂晒，可惜。担担面，面的质地好滑漏，好好味。粟米鱼肚羹，较稀，味道不过不失。素肠姜蛋炒饭，上台时赫了一跳，咁大碟既??外貌不讨好，但姜味浓郁，食得出真材实料。红烧豆腐，豆腐滑，镬气够，味道好。坦白说，我平时很怕去这类座位少的店舖跟人迫的，但此素食小店真的值得推介。四大一小埋单才200几，碟炒饭足5碗满的，真系又抵食，又好食。(后话:我见到很多拟似熟客的人，很多都叫晚餐，30几蚊，有两个𩠌，有汤，有饭，碟𩠌仲大大碟的，食物味道又Ok,难怪咁多人帮衬)