饞。台式食堂 (如心廣場二期)

营业中

休息中

今次机缘巧合之下，食到呢间台湾餐厅，都几意外。事关我又唔系好钟意食面，又唔系好钟意食卤肉饭，但因为晏昼时间实在太难揾位，既然佢有位我就入去啦😂。但系，佢有几好食㖞😬，出奇地改变左，我对卤肉饭嘅睇法。⭐️椒盐香酥鸡扒鸡扒外皮小脆，唔会炸过龙，炸皮好薄，唔会食到个口腔损哂👍🏻。椒盐我觉得佢好香孜然味，食落唔会好咸，刚刚好😬。最欣赏佢隔离有个生菜加麻酱，又下火，加埋鸡扒一齐食都好夹，唔会好热气，赞👍🏻。⭐️手工卤肉饭我觉得佢比较似卤汁加五花肉碎。五花肉碎肥肉部份比较多，但油分适中👍🏻。卤汁有好香嘅八角味，好特别，加埋个五花肉，好好送饭。再加上，佢卤汁份量适中，唔会搞到成碗饭都又肥又咸，成碗饭都好惹味，送鸡扒一流！话咁快就KO一碗😂⭐️乌龙奶茶加仙草如果佢话系乌龙奶茶，我就唔系好饮到有乌龙茶味，同埋用饮筒真系唔系好食到仙草。但其实味道系可以嘅，当佢系杯台式奶茶，其实系OK嘅。