影片
更多
2020-11-23
312 浏览
本身住附近，食咗几个月住家饭有啲闷，见到呢间小臻饭评语唔错，所以就决定帮衬下。响外卖apps 点左醉鸡饭加菜，再加个单点口水鸡，黑椒鸡搥一份，炸鱼一块，虫草花鸡汤一份。除咗外卖有折之外，呢排外卖apps 又再特定时间有折上折，所以张单$140几蚊变$70几蚊，差唔多半价真系抵。去到小店老板一个人仲准备紧，但好有礼貌请我等等，又同我再确认单里面嘅内容，确保冇错。我等紧嘅时候都见到店内有单张。原来饭嘅款式都唔少，亦似乎唔同时间唔同饭款会做优惠。返到屋企第一样野系食炸鱼，啱啱炸好重好热气，大大块好香脆满足左我想食香口野嘅冲动。黑椒鸡搥外观深色咗啲，有三旧，无乜咩黑椒味但好彩都好味同juicy, 属于味道比佢个卖相好果只。将个汤到咗出嚟饮，见到佢有菇，少少虫草花，虽然清清地但味道都够，最紧要饮得出佢冇落味精。醉鸡同口水鸡都应该系走骨嘅鸡髀扒做，食落啖啖肉而且方便，味道唔错份量都合理。尤其是口水鸡，个酱只系啲啲辣，但好惹味，加埋青瓜丝同埋啲酱，捞饭或者面都应该唔错，果然系招牌菜。可惜我减紧肥，唔敢食晒啲酱汁落肚。至于个醉鸡，酒香唔重，有几粒胀卜卜嘅杞子，跟埋少少汁捞饭好味。白饭嘅份量相对来讲算系
响外卖apps 点左醉鸡饭加菜，再加个单点口水鸡，黑椒鸡搥一份，炸鱼一块，虫草花鸡汤一份。除咗外卖有折之外，呢排外卖apps 又再特定时间有折上折，所以张单$140几蚊变$70几蚊，差唔多半价真系抵。
去到小店老板一个人仲准备紧，但好有礼貌请我等等，又同我再确认单里面嘅内容，确保冇错。我等紧嘅时候都见到店内有单张。原来饭嘅款式都唔少，亦似乎唔同时间唔同饭款会做优惠。
返到屋企第一样野系食炸鱼，啱啱炸好重好热气，大大块好香脆满足左我想食香口野嘅冲动。黑椒鸡搥外观深色咗啲，有三旧，无乜咩黑椒味但好彩都好味同juicy, 属于味道比佢个卖相好果只。将个汤到咗出嚟饮，见到佢有菇，少少虫草花，虽然清清地但味道都够，最紧要饮得出佢冇落味精。
醉鸡同口水鸡都应该系走骨嘅鸡髀扒做，食落啖啖肉而且方便，味道唔错份量都合理。尤其是口水鸡，个酱只系啲啲辣，但好惹味，加埋青瓜丝同埋啲酱，捞饭或者面都应该唔错，果然系招牌菜。可惜我减紧肥，唔敢食晒啲酱汁落肚。
至于个醉鸡，酒香唔重，有几粒胀卜卜嘅杞子，跟埋少少汁捞饭好味。白饭嘅份量相对来讲算系多，热辣辣得嚟面头加咗少少木鱼饭素，感觉到小店嘅心思。
虽然专登要求菜要走油走酱，但系追加𠮶份菜都系有少少沙律酱，可能之前已经捞好咗，自己喺屋企用水洗一洗可以。佢啲沙律菜都新鲜，虽然份量唔系好多。
整体来讲，我觉得都不错, 应该会再帮衬。世道艰难，要支持下街坊小店。
张贴
