友情歲月古惑仔漫畫主題冰室 (已結業)

成日行过尖沙咀见到古惑仔主题餐厅好想试吓有咩特别净系个餐牌啊已经好多选择！👍🏼有中式有西式有串烧！全部都系好特别嘅用古惑仔电影同漫画里面一啲角色名字或者系同古惑仔有关嘅嘢嚟命名！见到佢有一个套餐都几抵嘅！我自己觉得可以两个人食，但系我又好想试吓唔同嘅嘢，所以就分开咗散叫。叫咗回锅肉炒花仔荣包皮炸鲜奶话事人杂扒估唔到每一样都咁好食！花菜回锅肉系好香但系一啲都唔喊！一般印象回锅肉都系比较咸同埋有但系佢呢个绝对冇咁样嘅情况炸鲜奶就相对比较失色左一啲，因为我对炸鲜奶比较多期望！鲜奶味唔够浓！呢个可以再改善一下！个皮好似酥皮咁样嘅！话事人杂扒就真系非常好食足料，而且卖相好好！净系薯仔都有两款，有薯蓉同埋一小焗薯，有牛扒、猪扒、鸡扒、烟肉同一条肠仔全部都煎得好香！好好味！最好系够味但系唔会太咸！点解你见我成日讲话啲食物好嘅就系唔咸啦！因为好多时，出边食嘢好多时会煮得太咸太浓味，但系呢度见到系有用心制作！其实已经好饱但最后都挣扎叫咗个绿茶红豆疏乎厘值得试吓！仲有口罩送