麵屋一平安

营业中

休息中

今日到尖东开会，睇到哩间日本嘢系尖东都有分店，咁试试啦。哩间餐厅较难揾，如果搭直达lift要按1字，扶手梯要落2层楼。冻奶茶，估唔到日本店铺啲奶茶都几正，茶味入口温和，唔会好甜，好饮。酒煮蚬，好大一份，清酒烹煮完啲蚬肉特别鲜甜，蚬肉冇沙，开胃菜黎讲唔错。明太子煎蛋，煎蛋好有水准。煎蛋嫩滑，中间落咗少少明太子调味，食落香甜中伴有少少咸鲜，劲推荐。火炙醋鲭鱼，用火炙方法炙烧出鱼皮油脂，鲭鱼微酸口味中和咗鱼油油香，好食到停唔落口。串烧盛盒（5串），有鸡翼，猪肉等5款串烧。其中大葱鸡肉，带子为酱烤，大葱烧完好多汁，加入日式香浓酱汁好惹味。特制低温叉烧拉面，拉面属于较硬身果款，日式汤底饮得出落咗大量猪骨煲制，拉面嗦晒猪骨汤底，好好味。低温叉烧果然好特别，唔会食到猪肉柴柴口感，简直入口即化。