日升美食店

营业中

休息中

大家成日都话熟食中心入面有好多好嘢食。今日去左旺角嘅街市试下呢间唔算好出名嘅大排档。铺头好贴心准备左热水俾我地洗杯同碗筷。环境都坐得几舒服同阔落。豉椒炒黄鳝 🐟我几钟意呢道菜，黄鳝好入味同几弹牙，但又唔会过咸，如果青椒可以再入味啲就好。不过黄鳝有少少碎骨。芥末炒排骨 🐷芥末嘅味道好突出，但唔攻鼻。成道菜嘅调味都比较重，避免芥末嘅味道喧宾夺主，所以我自己觉得有啲太咸。但排骨炸得几香口，肉质都唔韧。虾酱通菜炒鲜鱿 🦑鱿鱼好嫩好爽口，唔会炒到过老。我个人钟意食通菜嘅叶多啲，通菜嘅茎比叶嘅部份多。咸鱼鸡粒炒饭 🐔鸡肉系连皮，炒得几香，但咸鱼嘅味道唔系好明显，同埋偏油少少。