影片
更多
2022-08-29
462 浏览
我同男朋友系平日晚上去，唔需要排队但眼见入座率非常高，点餐后都等咗一段时间食物先送到。🍛#咖喱猪扒饭($52)：第一眼望落去劲似儿童餐🤣，唔系话佢份量细，而系成碟咖喱又红又绿色彩缤纷咁。咖喱系港式咖喱，偏甜而且一啲都唔辣容易入口，汁嘅量都比得好足，唔会话唔够汁捞饭。猪扒薄身松软仲系炸过嘅，呢个价钱我觉得算唔错。🍳#滑蛋鸡扒饭($52)：望落好似好普通，但其实我觉得最好食就系呢个滑蛋鸡扒饭。首先滑蛋唔会过熟仍然保留少少蛋汁，白饭之上加咗少少甜豉油，两者结合放入口非常满足。虽然鸡扒有啲油但肉质尚算顺滑。🍞#长叹西多士($48)：当一上枱热辣辣我已经急不及待想切开嚟食，不过首先都系要将牛油抹均匀，等油香遍布多士嘅表面再切开。打开头顶见到入面满满嘅棉花糖浆，旁边仲会有好多花生酱同花生碎粒，头几啖食真系觉得好正，但当再食落去嘅时候就开始觉得油腻😵💫。总括嚟讲我觉得品质都算唔错，如果用埋Kabu app coupon就更加抵！有机会下次再嚟试试佢哋嘅铁板餐同云吞面😛。
🍛#咖喱猪扒饭($52)：
第一眼望落去劲似儿童餐🤣，唔系话佢份量细，而系成碟咖喱又红又绿色彩缤纷咁。咖喱系港式咖喱，偏甜而且一啲都唔辣容易入口，汁嘅量都比得好足，唔会话唔够汁捞饭。猪扒薄身松软仲系炸过嘅，呢个价钱我觉得算唔错。
🍳#滑蛋鸡扒饭($52)：
望落好似好普通，但其实我觉得最好食就系呢个滑蛋鸡扒饭。首先滑蛋唔会过熟仍然保留少少蛋汁，白饭之上加咗少少甜豉油，两者结合放入口非常满足。虽然鸡扒有啲油但肉质尚算顺滑。
🍞#长叹西多士($48)：
当一上枱热辣辣我已经急不及待想切开嚟食，不过首先都系要将牛油抹均匀，等油香遍布多士嘅表面再切开。打开头顶见到入面满满嘅棉花糖浆，旁边仲会有好多花生酱同花生碎粒，头几啖食真系觉得好正，但当再食落去嘅时候就开始觉得油腻😵💫。
总括嚟讲我觉得品质都算唔错，如果用埋Kabu app coupon就更加抵！有机会下次再嚟试试佢哋嘅铁板餐同云吞面😛。
张贴
