茶A (已結業)

午餐叫咗呢个「XO酱葱油鸡扒只蛋饭」加红豆奶茶冰，块炸鸡扒唔干，鸡皮少少脆，内里啖啖肉够 juicy，葱油好香，仲加埋 XO酱，两只太阳蛋佢写系日本蛋，个蛋黄够杰身＆黄，好有蛋香，钟意笃穿佢加埋葱油和XO酱捞落饭，真系好美味，个饭平身有啲甜豉油可以捞埋一齐，好正！下次要试埋猪扒先得！红豆奶茶有好多红豆，够淋又够甜，令到奶茶更好饮。朋友仔嗌咗干炒牛河，都炒得够干身，河粉够弹，又条条分明，唔会劲油。牛肉分量够，大大片，仲有牛肉味＆咬口！我本身偏重口味，觉得如果再多啲调味，更浓味就更好。