周記油渣麵 (已結業)

周记油渣面系深水埗美食激战区福荣街其中一间老字号，主打同区少有嘅当然就系油渣面啦。😅好耐冇嚟过周记油渣面，而家装修咗做埋两𩠌饭同埋多咗好多茶餐厅嘅嘢食。😊以前嚟周记就一定系食油渣面，粗粗嘅面条食落口滑得嚟烟烟韧韧。😋不过今次嚟系听完一个食客讲佢食完个仲正过维记嘅猪润面，食开维记润牛面嘅我听到人哋咁样讲又点会唔专程嚟试一试。😂😂😂嚟到呢类型餐厅唔好要求有卖相，好食就得啦。粉面汤底同以前一样冇变一样咁好食，不过个猪润一食落口厚厚嘅好滑洗得好干净冇杂味，比起维记𠮶个薄薄嘅猪润真系两个唔同风格。😋😋😋😋😋朋友真系冇介绍错😁