山旮旯 (已結業)

虽然都好支持黄色经济圈，但有时候有啲 黄店真系唔好食嘅！ 今次呢一间黄店我真系觉得好食嘅！同埋佢喺某啲 app book系会有好大嘅折头，其实佢本身都唔系贵，所以我觉得好抵！烟三文鱼牛油果沙律。本身啲菜系有啲酱捞过嘅，唔系畀啲菜你就咁淋过汁上去，我觉得呢点唔错，比较易食同味道均匀！呢一个系之前朋友食过见到相觉得好吸引嘅 bbq酱猪肋骨！ sauce唔算好浓味，但系系好食嘅，唔系好干嘅！呢度啲薯条呢系比较似薯角𠮶种味，但系好明显系即炸，非常脆！仲嗌咗个西冷， 都好食嘅，但相对我觉得猪肋骨就系比较抵食，因为平时出去食ribs比较贵，呢间算系平。呢间嘢除咗西餐，仲有泰国菜，串烧， 或者系日本鳗鱼咁，都几多元化嘅。我哋就叫咗一个老干妈炒牛柳粒意粉，好特别所以我哋先嗌，味道ok，唔系好辣。跟住呢一个就系泰式小食拼盘，圆形𠮶个系虾饼， 坐底长条𠮶啲系炸过嘅猪颈肉，两样我都觉得劲好食，大推！呢间嘢我觉得会encore嘅，佢嘅位置比较偏僻，但系其实都好多人去，𠮶晚见到枱枱都系有人book咗嘅。 同埋佢呢一度煮嘢食都几快，虽然食物嘅种类好多，但系全部都系等好快就上菜。