影片
更多
2024-06-29
556 浏览
之前喺深水埗食过两次生煎包，觉得好好食，最近去元朗形点2食过两次，环境都真系好唔够冷气，可能系因为商场中央冷气关系，就算店内有风机都真系好唔够通爽，会令人食完就想走，职员完全无表情、无互动、无反应、无招呼⋯好食都令我对依间店却步⋯先讲讲食物，今次照旧要咗生煎包、小笼包、同埋柚子蜜梳打，而新尝试系金汤麻辣酸菜鱼轻轻咬开一个小窿，热汤嘅温度随之涌出嚟，好多汤喺里面，肉丸都满满汤汁，一啲都唔鞋口又唔会梅，皮面软身，皮底够脆，真系好好！同生煎包一样，满满汤汁喺小笼包里面，皮唔容易穿，但又唔会觉得好厚皮，有时有啲店舖做得皮太薄，反而食唔到皮嘅质感，依个坚信号做得几好一开始食无乜特别，唔觉麻亦唔觉辣，食到一半左右先觉得麻辣，但只会食一次就够，难度要成碗酸菜鱼要捞匀晒先有温度、麻同辣？唔系一齐煮的吗？其实真系希望老细知道，你啲嘢好食，但环境同职员唔改善，一手一脚嘅生意好快玩完，值得吗？
先讲讲食物，今次照旧要咗生煎包、小笼包、同埋柚子蜜梳打，而新尝试系金汤麻辣酸菜鱼
坚信号生煎包（两个）
$23
3 浏览
0 赞好
0 留言
轻轻咬开一个小窿，热汤嘅温度随之涌出嚟，好多汤喺里面，肉丸都满满汤汁，一啲都唔鞋口又唔会梅，皮面软身，皮底够脆，真系好好！
灌汤小笼包
$36
78 浏览
0 赞好
0 留言
同生煎包一样，满满汤汁喺小笼包里面，皮唔容易穿，但又唔会觉得好厚皮，有时有啲店舖做得皮太薄，反而食唔到皮嘅质感，依个坚信号做得几好
金汤麻辣酸菜鱼
$80
5 浏览
0 赞好
0 留言
一开始食无乜特别，唔觉麻亦唔觉辣，食到一半左右先觉得麻辣，但只会食一次就够，难度要成碗酸菜鱼要捞匀晒先有温度、麻同辣？唔系一齐煮的吗？
其实真系希望老细知道，你啲嘢好食，但环境同职员唔改善，一手一脚嘅生意好快玩完，值得吗？
张贴
