世華餐廳 (已結業)

星期三去开尖咀见客, 带左个客嚟食呢间世华餐厅。呢间世华我以前喺尖咀返工成日食, 但一排冇嚟发现装修唔同左, menu都好似有啲更改😗我食左呢个咖喱鱼柳套餐, 配饭同汤:虽然转左装修, 得知换左师傅, 招牌咖哩同以前味道不相伯仲。印象中以前比较偏甜😛今次呢个比较野味😂带小小辣。而鱼柳都食得出唔系一般雪藏鱼柳梅梅烂烂咁, 味道属于中上啦😂餐汤:唯一系呢到嘅份量比较大, 平时比较细食嘅话可以叫少饭☺废事食唔哂嘥嘢啦~~另外个客叫左黑松露牛柳粒🎉虽然佢切得比较大粒, 但胜在肉身够淋😂啲黑椒汁好醒胃, 淡淡咁发出黑松露嘅香味😛又fusion得几好味😂个客都话唔错。呢个牛柳绝对会一试上瘾😍以喺尖沙咀食个lunch嚟讲真系算系大碟夹抵食😛总括而言可以再战。