Marco's Oyster Bar & Grill (已搬遷) 新店位置

星期日谂住去中西区行吓街，行过依间餐厅，见set lunch 几平，就决定去试吓。下午一点半去到餐厅，我哋拣咗坐室外位，啱晒食烟嘅男朋友。我哋拣咗饮蘑菇汤，个蘑菇汤好香浓，有劲多蘑菇粒，好creamy。配汤嘅法国饱焗到脆卜卜，搽牛油食劲香口。我嘅主菜系牛柳意粉，卖相好靓。牛柳煎到五成熟，好嫩滑。意粉弹牙，番茄酱都好新鲜。沙律菜配香醋，新鲜爽口。男朋友食辣肉肠薄饼，饼底好薄好脆，芝士同番茄酱夹埋都好好食。侍应嘅招呼都唔错，值得再去帮衬。