影片
更多
2022-02-27
278 浏览
第三次嚟逸東軒，第一次嘆到$38+午市點心 🧆-對上兩次黎都被安排喺出面嘅大廳坐，今次終於坐入少少corner位。兩個人坐6-7人枱。你好彩啊肥肥☺️-原隻鮑魚和牛酥 ($78/粒)鮑魚炆得幾淋幾入味，放係撻皮上面，和牛味唔算出，但三樣嘢拼埋出奇地好食😋😋😋 係今次最好食嘅點心🥰 要試呀大家！-帶子燒賣($38) 一籠四粒，帶子稍為薄身，唔好諗住佢會比西蘭花炒帶子嗰種原粒帶子你😂 不過一星餐廳呢個價錢，又想試吓新野嘅話，抵嗌！-燕窩瑤柱菜苗餃($48)又係我覺得好抵嗌嘅點心！水晶皮剔透唔黏口，燕窩菜苗完美混合，唔會一啖有一啖冇. 不過瑤柱就次次都好輕手，食到一兩條？-蒜蓉鮮蝦春卷 ($38)香口野梗係肥肥嗌㗎啦😌 我最怕啲春卷油膩，凍咗好似食緊粉咁，入面分分鐘仲食到冬菇同芫荽… 好彩呢個唔係！😆 脆皮✅新鮮蝦✅熱辣辣✅粉感唔重✅ 相對幾飽肚，如果想試多幾樣點心嘅話建議3+人先好嗌-XO醬炒蘿蔔糕 ($55)又一碟重口味🤪 明明啱啱先過完年，但肥肥想食點可以唔叫！😉呢碟我覺得有啲失色，唔夠惹味. 係有煎過，但XO醬味唔濃，色同香都差啲. 伴碟芽菜反而幾好食.-楊枝甘露 ($48)最後點都要
-
對上兩次黎都被安排喺出面嘅大廳坐，今次終於坐入少少corner位。兩個人坐6-7人枱。你好彩啊肥肥☺️
-
原隻鮑魚和牛酥 ($78/粒)
鮑魚炆得幾淋幾入味，放係撻皮上面，和牛味唔算出，但三樣嘢拼埋出奇地好食😋😋😋 係今次最好食嘅點心🥰 要試呀大家！
-
帶子燒賣($38)
一籠四粒，帶子稍為薄身，唔好諗住佢會比西蘭花炒帶子嗰種原粒帶子你😂 不過一星餐廳呢個價錢，又想試吓新野嘅話，抵嗌！
-
燕窩瑤柱菜苗餃($48)
又係我覺得好抵嗌嘅點心！水晶皮剔透唔黏口，燕窩菜苗完美混合，唔會一啖有一啖冇. 不過瑤柱就次次都好輕手，食到一兩條？
-
蒜蓉鮮蝦春卷 ($38)
香口野梗係肥肥嗌㗎啦😌 我最怕啲春卷油膩，凍咗好似食緊粉咁，入面分分鐘仲食到冬菇同芫荽… 好彩呢個唔係！😆 脆皮✅新鮮蝦✅熱辣辣✅粉感唔重✅ 相對幾飽肚，如果想試多幾樣點心嘅話建議3+人先好嗌
-
XO醬炒蘿蔔糕 ($55)
又一碟重口味🤪 明明啱啱先過完年，但肥肥想食點可以唔叫！😉呢碟我覺得有啲失色，唔夠惹味. 係有煎過，但XO醬味唔濃，色同香都差啲. 伴碟芽菜反而幾好食.
-
楊枝甘露 ($48)
最後點都要嗌個甜品先完整😌逸東軒嘅甜品我一年內黎左三次都唔同，每次都有新意思😛 之前食過甜薄撐、芒果卷、小丸子，全部都好食😂😂 不過⚠️楊枝甘露真係好細碗，同埋呢碗比較稀. 當然，我相信每間餐廳嘅整法都各有特色，好味就夠 👍🏻
-
逸東軒講到明只有90分鐘用餐時間，點心都差唔多25分鐘先到，所以如果想慢慢嘆好似普通酒樓咁就唔建議呢間，每次食咗一兩碟就俾人問我有冇last order 😊 以前同長輩黎飲餐佢哋會覺得樓底矮同埋環境好黑😂 但相對上比較安靜同有格調~
茶介$28/位，茶壺用火暖住，最愛鐵觀音🥰 #肥肥很肥
张贴
