麺屋武蔵虎洞 (青衣城) (已結業)

今日喺青衣城食个late lunch，拣左面屋武藏虎洞。拉面佢有分唔同汤底，我拣咗黑虎，系蒜油汤底，见佢话自己系日本朝日电视台拉面比较拎左沾面第一位，所以就唔食汤面食沾面。⭐️黑虎汤味道果然几好，蒜味好香，沾面上面有条坑，可以挂多啲面汁。面的口感烟韧，唔会好淋。⭐️糖心蛋真系半流心，整得好好食。⭐️叉烧好软，有肉味⭐️可惜今日冇竹笋，餐厅用咗菠菜代替，少少美中不足。朋友拣左盐味炙烧豚肉清汤面，虽然话系清汤，不过侍应话系猪肉+鱼煲成既，唔系真系清水🤣佢话汤底比较浓味，面质烟韧有咬口，豚肉都好食，不过薄左少少。小食几有惊喜，激辛手羽先好香脆，又唔会真系好辣，几好食。明太子薯仔球好香薯仔味，口感外脆内滑，正。饮品叫左两杯特饮，因为汽水都要$12 ，特饮竟然先$15 ，梗系叫特饮。叫咗一杯杂果一杯巨峰提子，两杯一啲都唔药水，巨峰提子非常巨峰，杂果真系有少少杂过，收货有余。整体来讲，我觉得餐厅几好坐，侍应又会主动介绍食物和加茶，系同朋友食饭既好地方。