萬豚屋

营业中

休息中

好食手打乌冬同男友难得放平日，去尖沙咀睇戏，下午茶时间同男友去左万琢屋医肚。我地嗌左香菌浓汤上级牛肉手打乌冬、大阪风石烧和田万胡麻手打乌冬、烧活鳗串同木鱼琢肉玉子烧。上菜都叫快，10分钟左右。香菌浓汤上级牛肉手打乌冬见到d汤滚下滚下，用石窝热汤，生生地既牛肉好快都熟食得。乌冬上面有几多豆苗，仲有一旧仔黑松露酱，好香。个汤吾错，好浓，好香菇味。仲有大粒温泉蛋。乌冬都多，底仲有几旧菇，连埋汤，乌冬，牛肉同黑松露酱一啖食，yummy！大阪风石烧和田万胡麻手打乌冬呢个系男朋友食，都系滚住汤咁上台，汤入面有肉碎同小小芝麻粒粒，味道几好。奶白色汤带有胡麻香，比香菌浓汤浓郁，黄金胡麻可以抗衰老。有5旧琢肉，琢肉入晒味，吾鞋口，比其他琢肉更好味。烧活鳗串鳗鱼上有连鳗鱼汁一齐烧，所以好鬼死香。鳗鱼好肥美，啖啖滋味，但都吾怕腻，因为边碟有成注豆苗。木鱼琢肉玉子烧呢个似奄列咁，蛋入面包有琢肉、粟米粒、椰菜同配菜，外面有沙律酱同木鱼丝。个味好夹，岩岩煎好热辣辣，一口食，又有沙律酱同粟米粒既小小甜，又有琢肉咬口，连埋木鱼丝小小香，好食，好日式。