Simplylife Bakery Cafe (已結業)

位于德福广场戏院对面嘅Simplylife，每逢lunch时候，成日都大排长龙。偶尔想黎依度食嘅，通常会尽早趁大军杀到前到达。今日刚好路过，睇到未有人龙，所以就入黎食个lunch。依度供应简便嘅西式午餐，一般每日都有沙律、full day breakfast、burger、鱼、鸡胸／鸭胸、饭等等，一整页纸唔少嘅选择，其实都唔简便架喇。午餐包一份主菜一杯饮品，可以再加一个餐汤。食左几次，个人喜好主菜通常都会拣鸡胸或者full day breakfast，但今日见到有鸭胸，当然就更加吸引，就黎一份。鸭胸嘅份量唔少（比鸡胸多），配菜有蔬菜、薯蓉，伴埋黑醋汁。上碟嘅时候鸭胸已经切好左薄片，试一啖，温度够，肉质非常的软嫩多汁，肉有鲜味，皮是酥香，是有水准的。依个价钱，收货有余了。虽然餐厅的路线系走简单风格，但全碟主菜份量足，食晒一定够饱。一份午餐几十至近百元不等，再加一也是不出一百蚊松Ｄ，是性价比颇高嘅选择，难怪依度lunch成日都客满。